У Баранавічах загінула маці трох дзяцей, якая ўпала з дзявятага паверха, піша «Наш край».
Трагедыя адбылася 16 траўня ў адным са шматпавярховых дамоў на вуліцы Наканечнікава.
Цела маладой жанчыны раніцай пад вокнамі дома знайшлі мінакі, выклікалі хуткую дапамогу.
Жанчына загінула на месцы. У яе засталіся трое дзяцей, двое з іх — няпоўнагадовыя.
Следчы камітэт праводзіць праверку. На месцы здарэння працуюць следчыя, апытваюцца відавочцы, прызначаная судова-медыцынская экспертыза.