Заслужаная артыстка Беларусі Анжаліка Агурбаш на прэс-канферэнцыі ў расійскай Нацыянальнай службе навін расказала, што гэтым летам выходзіць замуж.
— Я выходжу замуж гэтым летам, больш за тое — у найбліжэйшы год пераязджаю ў іншы горад Расіі. Вяселле будзе і ў Маскве таксама. Я публічная персона і з вялікай павагай стаўлюся да прэсы. Выдатна разумею, што найлепшае, што можа зрабіць публічная персона, — шчыра пагаварыць з журналістамі, каб яны нічога не прыдумлялі. Цяпер не магу расказаць падрабязнасці, бо шчасце любіць цішыню. Сукенка ўжо гатовая, але, шчыра кажучы, пярсцёнкі і сукенкі для мяне не маюць значэння, — заявіла яна.
Для Анжалікі гэта будзе трэці афіцыйны шлюб. Раней яна два гады была замужам за рэжысёрам Ігарам Леневым. У пары засталася дачка Дар’я. Потым спявачка шэсць гадоў пражыла без роспісу з культурыстам Валерыем Бізюком. У іх нарадзіўся сын Мікіта.
Самы вядомы шлюб Анжалікі-саюз з «каўбасным каралём» Мікалаем Агурбашам. У 2004 годзе ў іх нарадзіўся сын Анастас. У 2012 годзе Анжаліка і Мікалай разышліся.
З 2012 года беларуская выканаўца была ў адносінах з казахстанскім бізнесоўцам Анатолем Пабіяхам. Аднак у 2015-м стала вядома пра адмену заручын і спыненне адносін.
Чытайце таксама
