У Эканамічным судзе Мінска пачалі разглядаць справу пра фінансавую неплацежаздольнасць кампаніі «Мегапак», вынікае са звестак Адзінага дзяржрэестра звестак пра банкруцтва. Гэтая фірма працавала з 1997 года і займала адну з галоўных пазіцый на рынку ўпакоўкі.
Ініцыятарам справы пра банкруцтва выступіла само прадпрыемства. Фінансавае становішча кампаніі аказалася няпростым: яе пазычанасць перавышае 746,6 тысячы рублёў, з якіх амаль 94 тысячы — нявыплачаныя зарплаты былым супрацоўнікам.
Між тым ян актывы ацанілі ў 15 тысяч рублёў у выглядзе тавараў, 4,8 тысячы — асноўных сродкаў. Прыкладна 140 тысяч складае дэбіторская пазычанасць, і яшчэ каля 7 тысяч — іншая недарагая маёмасць.
Супраць фірмы таксама адкрытая 51 выканаўчая вытворчасць на суму амаль 182 тысячы рублёў. Таму суд прыняў заяву пра банкруцтва і адкрыў конкурсную вытворчасць. Гэта працэдура эканамічнай неплацежаздольнасці. Яе праводзяць для таго, каб задаволіць патрабаванні крэдытораў, абараніць правы даўжніка, а таксама крэдытораў падчас санацыі (аздараўлення). Калі немагчыма правесці санацыю ці адсутнічаюць для яе падставы, то запускаецца ліквідацыйная вытворчасць даўжніка.
Кампанія «Мегапак» займалася вытворчасцю і пастаўкамі ўпакоўкі, у тым ліку плёнкі, кантэйнераў, посуду і пакетаў з біяраскладальных матэрыялаў. Гэта адзін з найбольш дасведчаных і буйных гульцоў рынку ў Беларусі.
Нагадаем, летась яшчэ адна буйная кампанія гэтай сферы, «Уніфлекс», перайшла пад кантроль расійскай групы Novaroll.
Пару гадоў таму ў Беларусі ўзніклі праблемы з пакавальным матэрыялам, у першую чаргу з Tetra Pak. Тады ўлады актыўна шукалі альтэрнатыву заходняй вытворчасці.
Чытайце таксама
