Жыхар Бабруйска сустрэў у мясцовай краме замежнікаў. Яны расказалі, што прыехалі ў нашую краіну з Пакістана і працуюць на пілараме. Відэа іх дыялогу апублікавала выданне Bobr.by.
@bobr.by_ Пакистанские работники уже в Бобруйске? Случайная встреча корреспондента BOBR.BY с иностранными гражданами в одном из местных магазинов пролила свет на новые реалии белорусского рынка труда. Оказалось, что рабочие из Пакистана работают по годовым контрактам. По словам самих мужчин, трудятся они на пилораме. Автор новости: Валентин Валентинов
Ролік быў размешчаны ў TikTok 4 траўня. На відэа двое замежнікаў выбіралі лаваш. Жыхар Бабруйска падышоў да гасцей і спытаў, адкуль яны прыехалі.
— Пакістан, — адказалі маладыя людзі.
— Сур'ёзна?
— Так.
— Вы хлопцы з Пакістана, якія прыляцелі ў Беларусь для працы?
— Так.
— А дзе вы працуеце?
— Дрэваапрацоўка.
— На пілараме?
— Так.
Замежнікі таксама дадалі, што з імі заключылі кантракт на год.
Кароткае відэа за суткі сабрала амаль паўмільёна праглядаў і амаль тысячу каментароў.
«Людзі прыехалі на заробкі, а не назаўсёды. Разадзьмулі гэтую тэму так, што ўсе ўпэўненыя, што з Беларусі зробяць другі Пакістан. Я нагадаю, што мы не РФ. Тут цырымоніцца ніхто не будзе», — напісаў адзін з карыстальнікаў.
«Учора ў Маладзечне бачыла чалавек пяць», — падзялілася Anastasizzz.
«Можа, нейкі час і будуць працаваць, але выдаткоўваць тут яны будуць мінімум. Ім жа трэба сем'і дома ўтрымліваць, так што ўвогуле спрэчнае пытанне», — адзначыў starik741.
«Таму ніколі ў нас заробкі не вырастуць. Лягчэй нагнаць людзей, якія будуць працаваць за тры соткі, чым нашым зп падымаць», — Laygy.
«Толькі Беларусь для іх перавалачнае месца ў Еўропу», — Сяргей.
Нагадаем, 11 красавіка Аляксандр Лукашэнка сустрэўся з прэм’ер-міністрам Пакістана Шахбазам Шарыфам. Палітыкі дамовіліся пра магчымы прыезд у Беларусь 100−150 тысяч працоўных мігрантаў з ісламскай рэспублікі.
Яшчэ ў пачатку студзеня Аляксандр Лукашэнка прапаноўваў прыцягваць працоўных мігрантаў з Таджыкістана, Сірыі, Узбекістана. Палітык адзначыў, што не пярэчыць супраць прыцягнення на беларускія прадпрыемствы замежнікаў, галоўнае, каб гэта былі кваліфікаваныя спецыялісты.
— Хочаш запрасіць таджыкаў, узбекаў, казахаў, сірыйцаў, афганцаў, любых людзей, запрашай. Але ты мусіш ведаць, што гэта за людзі і што яны табе патрэбныя на гэтым месцы і могуць гэтую аперацыю ажыццяўляць. Не ўмеюць — навучы, — запатрабаваў Лукашэнка.
Ідэя Лукашэнкі выклікала занепакоеную рэакцыю ў беларускіх сацсетках. 23 красавіка МУС паведаміла, што плыні працоўнай міграцыі ў Беларусь з Пакістана «адсутнічаюць, як і злачынствы, учыненыя выхадцамі з гэтай дзяржавы».
Чытайце таксама
