Рэгулярныя аўтобусныя рэйсы з Мінска ў Сочы (Расія) стартуюць з 26 чэрвеня, паведаміў тэлеграм-канал «Атлас Журнал».
Аўтобус будзе адпраўляцца кожныя чатыры дні. З Мінска рэйсы стартуюць з 26 чэрвеня, у зваротным кірунку — з 28 чэрвеня.
«З улікам немалой адлегласці часу на паездку ідзе адносна няшмат. У дарозе з Мінска да Сочы аўтобус прабудзе каля 34 гадзін. Для параўнання, цягнік той жа шлях праязджае амаль за двое сутак», — паведаміў «Атлас Журнал».
На аўтобусе можна будзе дабрацца і да іншых курортных месцаў: Джубгі, Лермантава, Новаміхайлаўки, Ольгінкі, Туапсэ, Лазараўскага. Таксама ён будзе заязджаць у Адлер і да памежнага пераходу «Псоу» на расійска-абхазскай мяжы. Акрамя таго, прадугледжаныя прыпынкі ў Бранску, Варонежы, Растове-на-Доне, Краснадары і іншых гарадах. У Беларусі аўтобус будзе спыняцца ў Бабруйску, Жлобіне і Гомелі.
Білет з Мінска ў Сочы абыдзецца ў 362 рублі, да Туапсэ і іншых курортаў — у 304 рублі.
Акрамя таго, беларускі перавозчык прапануе за 300 рублёў звазіць турыстаў на аўтобусе ў Анапу, а за 400 — у акупаваную Ялту (Крым, Украіна).